Kisha e Dukasit në Patos, e braktisur prej vitesh është kthyer në shqetësim për banorët.
Jo vetëm eshtra, por në sipërfaqe kanë dalë edhe kafka njerëzish.
Kjo situatë vijon të mbetet e pandryshueshme prej vitesh duke shkaktuar indinjaten e banorëve të cilët shprehen se ky është një skandal i vërtetë teksa tregojnë se fëmijët luajnë çdo ditë me eshtrat.
Një prej banorëve është shprehur: “Është shumë shqetësuese, kur e kam parë fëmijët shkojnë luajnë. Ne skemi kryetar bashkie, erdhi njëherë ajo sa u tall mos të them atë tjetrën unë, u tall dhe ska bërë asnjë gjë. Ketu duhet të bëj një mur ti mbulojë. Fëmijët luajnë dhe I prekin me dorë, gjynah, janë fëmijë! Kam 30 vite nuk kam parë të venë atje të venë dorë.”
Banorët tregojnë gjithashtu se kanë parë edhe njerëz duke gërmuar për të gjetur diçka, duke qenë se ambienti është i parrethuar.
