Inter dridhet dhe në fund fiton një ndeshje që mund ta kishte mbyllur më shpejt por e bëri në pjesën e dytë kur Lautaro shenoi golin e suksesit 4-3 në transfertën e vështirë të Firenze-s.
Barrella menjëherë në gol duke konfirmuar momentin “po” edhe me rrjetën e shënuar në Barcelonë. Asist i Lautaro Martinez që këtë sfidë shënoi dy gola të tjerë duke u konfirmuar njeriu i ndeshjes. Argjentinasi gjen vazhdimësinë me 4 realizime në tre të fundit ndërsa edhe 11-metërshin e rrjetës së tretë e fitoi vetë ai duke e ekzekutuar me qetësi olimpike.
Fiorentina me Ikone, Cabral dhe Jovic për ekipin vjollcë krijuan iluzionin se mund të dilnin me pikë nga kjo ndeshje por Interi arriti të shënonte të katërtin në minutën e 5 shtesë me Mkitaryan dhe e ruajti deri në fund fitoren, e treta rresht në kampionat dhe e katërta në 5 ndeshjet e fundit ku ka regjistruar edhe një barazim. Me këtë fitore Interi barazon përkohësisht Udinesen dhe Lazion në kuotën e 21 pikëve.
