Ilir Meta ka hedhur akuza të fortë në drejtim të kryeministrit Edi Rama ditën e sotme, teksa po zhvillon një takim me strukturat e Partisë së Lirisë në Kuçovë.
Kreu i PL tha se është Rama ai që i vjedh paratë e buxhetit dhe më pas del e sulmon pedagogët duke i mohuar të drejtën për të kërkuar rritjen e pagave.
“Mësuesit e Shqipërisë më të keqpaguarit sipas statistikat e BE, 4100 euro në vit paga e një mësuesi. Andej matanë Bunës, nga Ulqini merr 9200 euro, dyfishin, këtej cmimet më të larta, taksat më të larta. Pragu i varfërisë, 2000 euro për person në vit, ku ta gjejë mendjen mësuesi të gjejë ushqim e veshëmbathje për fëmijën apo të jetë i përqendruar të kujdeset për fëmijët tuaj. Mësuesi duhet konsideruar një shtresë e mesme e figurë e nderuar, e kuptoni cfarë ndodh me shtresat e tjera. Cfarë po kërkojnë pedagogët e Shqipërisë që pas dy vitesh ti kenë pagat sa i kanë në Kosovë sot. Qeveria në Kosovqë ka pezullaur investime publike që ti rrisë askoma më tepër pagat e pedagogëve për të mbajrtur trurin në vend e për tu kujdesur për gjeneratat e ardhshme. Nuk ka investim më serioz për një qeveri se sa ai në arsim se është afatgjatë. Nuk është cështje mungesë fondesh por vjedhje e taksave të tyre nga Edi Rama personalisht”, tha Meta.
Në vijim ai shpjegoi vjedhjen galopante që qeveria po përgatit me projektbuxhetin e vitit 2023, ku miliona euro do të shkojnë për koncesione dhe PPP, ndërsa nuk harroi edhe “rrugët e florinjta” të Ramës, që shkojnë nga 15 deri në 22 mln euro kilometri.
“Vetëm për vitin që vjen 7 koncensione të reja me vlerë gati 1 miliardë dollarë ose euro se kanë vajtur njësoj, rrugë të florinjta, 6 herë më shtrenjtë një km rrugë e re se sa në Serbi.
Ama kur vjen fjala për largime nga vendi sa para jemi ne. Sepse këtu synohet njerëzit jo të ndihmonen që shoqëria mos konsolidohet.Sa më pak oligarkë banditë të pasurohen që të përdoren pastaj për të blerë vota, zgjedhje, influencat mediatike, sa më shumë nga shtresa e mesme të varfërohen që të nënashtrohen e mos kërkojnë të drejtat e tyre si i kërkojnë pedagogët në mënyrë civile. Ata që janë më kërkues të ikin nga Shqipëria, sektit të Rilindjes u duhet vetëm territori dhe mafies ndërkomëbtare, populli nuk u duhet”, deklaroi Meta.
Në mbyllje të fjalës së tij ai theksoi se Partia e Lirisë do të punojë për t’ia kthyer Shqipërinë qytetarëve, ndërsa tha se aktualisht në dorë gjithçka e ka “Rilindja”, e cila e kapi shtetin duke shfrytëzuar ish-kryedemokratin Lulzim Basha.
“Por ja që në jemi të lindur patriotë e brez pas brezi. Kështu që Shqipëria do u kthehet shqiptarëve, ky është misioni i PL dhe arsyeja pse nga 25 korriku unë jam në krye të kësaj force të re politike dhe betejën për t’i rikthyer lirinë dhe dinjitetin cdo qytetari shqiptar. Nuk jemi aspak kundër socialistëve, unë flas vetëm për Rilindjen se është sekt që ka uzurpuar cdo gjë, e para që uzurpo ishte PS. Pastaj kaloi në kapjen e shtetit që sot e ka 100% të kapur. U tregua e mencur e finoke Rilindja e kapi shtetin duke kapur Lulushin”, theksoi Meta.
