Vrasja e 32-vjeçarit Lear Kurti pas shoqërimit në polici ka ngritur në protestë dhjetëra qytetarë para Ministrisë së Brendshme.
Qytetarët pas tubimit përballë Ministrisë së Brendshme, me një marshim i janë drejtuar tashmë institucionit të Kryeministrisë.
Të rinjtë brohorasin: “Polici e krimit…Policia e krimit”, gjithashtu ata kanë kërkuar dorëheqjen e ministrit të Brendshëm, Bledi Çuçi për të cilin thonë se është përgjegjës për këtë ngjarje të rëndë.
Protestuesit me pankarta kanë kërkuar drejtësi për vdekjen e të riut Lear Kurti në komisariatin nr.3 në Tiranë.
Ata kërkojnë transparencë nga ana e policisë, ndërsa shprehen të revoltuar për mënyrën se si uniformat blu sillen me qytetarët.
