Një fluturim u zhyt në kaos kur u godit nga turbulencat mbi Atlantik, duke lënë pasagjerët të hedhur nëpër kabinë, duke bërtitur dhe një duke thyer hundën në tavan. Fluturimi i Aerolíneas Argentinas AR1133 u ngrit në orën 20:21 nga Madridi dhe po shkonte për në Buenos Aires. Por Airbus A330 që mbante 271 pasagjerë dhe 13 anëtarë të ekuipazhit u prek nga turbulencat e këqija.
Turbulenca filloi rreth shtatë orë pas fluturimit 12-orësh jashtë brigjeve të Brazilit, kur avioni i pasagjerëve u ul dhe u lëkund rreth 11,500 metra. Fluturimi zbriti gjatë natës, me pasagjerët, shumica e të cilëve ishon duke fjetur. Aerolíneas Argentinas tha se në kohën e turbulencës, shenjat e rripave të sigurimit ishin vendosur dhe një njoftim ishte bërë.
Por disa pasagjerë që kërkonin rripat e sigurimit ose ata që ishin zhveshur në atë moment, goditën tavanin. Valixhet dhe çantat u vërsulën nëpër kabinë ndërsa u hapën ndarjet e bagazheve të dorës.
Të paktën 12 persona u plagosën dhe tre prej tyre më vonë u shtruan në spital me lëndime të rënda. Njëri mbeti me hundë të thyer. Fluturimi u ul në Buenos Aires përfundimisht, katër orë e gjysmë pasi filloi turbulenca. Pasagjerët që kanë pësuar lëndime janë dërguar në spital për trajtim mjekësor
Duke folur për gazetën El Pais, pasagjeri Adrian Torres tha: “Ne kishim fluturuar rreth shtatë orë dhe pothuajse të gjithë flinim, sepse në atë kohë ishte pothuajse ora tre në Spanjë. Avioni filloi të lëvizte shumë dhe unë u thashë pasagjerëve të tjerë, “sa turbulenca, shtrëngohu!Ndërsa kërkova rripin e sigurimit, avioni hasi në turbulenca të forta”.
Ai shpjegoi se më pas avioni ra papritur dhe ata u plasën në tavan, duke e lënë atë me një mavijosje të vogël. Adriani shtoi se incidenti e la pasagjerin ngjtur tij me hundë të thyer.
