Sekretari i Përgjithshëm i Partisë së Lirisë, Tedi Blushi me anë të një postimi në FB ka akuzuar qeverinë Rama për projektin e Rilindjes Urbane.
Sipas Blushit, nga vitit 2017 deri në 6 mujorin e parë të këtij viti në Tiranë janë dhënë 6.5 milionë metër katror leje ndërtimi.
“Pasioni më i madh i “Rilindjes” është të shkelë premtimet. Nga vitit 2017 deri në 6 mujorin e parë të këtij viti në Tiranë janë dhënë 6.5 milionë metër katror leje ndërtimi. Një rekord historik, dëshmi e barbarisë së pashembullt, shpërfytyrimit dhe asfiksimit të kryeqytetit nga betoni”, shkruan Blushi bashkangjitur videos.
Më tej Blushi shton se për këtë arsyeje Tirana është sot ndër qytetet e fundit në Europë për cilësinë e jetesës dhe jo vetëm.
“Ndaj Tirana është sot ndër qytetet e fundit në Europë për cilësinë e jetesës, të ajrit, të transportit, të parkimit, për nivelin e lartë të ndotjes, zhdukjes së gjelbërimit dhe shkatërrimit të hapësirave publike”, përfundon Blushi.
