Ata shkuan në furrë për të blerë mëngjesin. Por pak sekonda më vonë, asgjë nuk është si më parë për punonjësit e një kompanie lyerjeje.
Një nga kolegët nxori papritur një thikë kuzhine dhe goditi fuqishëm dy persona. Njëri ishte shefi i tij, tjetri një koleg.
Sipas mediave gjermane, ngjarja tronditëse ndodhi në Nymphenburg.
Autori i krimit është një 33-vjeçar shqiptar. Goditjet e bojaxhiut shqiptar ishin kaq të fuqishme, sa të dy personat janë në gjendje të rëndë. Njëri prej tyre është në gjendje kritike.
Shqiptari 33-vjeçar po hetohet për vrasje të mbetur në tentativë dy herë.
Sipas policisë, akti ndodhi papritur. Mes tyre nuk ka pasur një debat.
Dy të plagosurit, shefi 50-vjeçar dhe kolegu 28-vjeçar janë me origjinë kosovaro-serbe. Ata u goditën në qafë, gjoks dhe shpinë.
Shqiptari për momentin ka përfunduar në psikiatri. Ka dyshime se ai ishte me aftësi të kufizuara mendore.
Gjykata dha urdhër që ai të vendoset në një klinikë speciale për problemet mendore.
