Gjykata e Korçës ka lënë në burg Martina Pajollarin e cila dyshohet se është bshkëpuntore e autorëve të vrasjeve së Martin Çeços, me të cilën ajo dyshohet se kishte lidhje paralele.
18-vjeçarja është lënë në burg si bashkëpunëtore në vrasjen e Martin Çeço, nëna e të resë ka thënë në një prononcim për mediat se vajza e saj është e pafajshme. Nëna e Tina Pajollarit bëri apel që të lirohet sa më shpejt, duke theksuar se edhe dy djemtë e akuzuar nuk kanë lidhje në vrasjen e Martinit.
“Kam 4 fëmijë nëna jam e sëmurë, si e ka të dashur Altinin ai e ka si çupë, është e pafajshme, burri i sëmurë e kërkon. Na kanë kërcënuar, policia e futi çupën aty paraburgim. Na kanë rënë në qafë kot, të tre janë të pafajshëm. E kam dhëndrin këtu, ka dy javë që është martuar. Është andej nga Vlora”-u shpreh e ëma.
Nga deklaratat e saj në polici ajo në një moment ka pranuar që ndodhej në vendngjarje në momentin kur është kryer krimi. Për këtë çështje tre shtetas janë vënë pas hekurave më parë, Valter Mollaj, Edlir Mollaj dhe Blenti Angjo janë të dyshuarit kryesor.
Nga hetimet prokuroria ka krijuar dyshime të forta se kjo shtetase e ka nxjerrë në pritë 26-vjeçarin, natën kur u ekzekutua disa kilometra pranë fshatit, tek një rezervuar, ku u inskenua dhe vetëvrasja e Martin Çeços. Ishte Tina Pajollari e cila u pyet e para në Polici dhe tregoi se vrasjen e kreu Valter Mollaj i mbështetur nga Edlir Mollaj dhe i shoqëruar nga bariu i tij Blenti Angjo.
