Policia ka arrestuar ditën e sotme autorin e 15 vjedhjeve të ndodhura muajt e fundit, në Durrës.
Blutë bëjnë me dije se është arrestuar shtetasi A. L.,21 vjeç i cili ishte dënuar më parë për të njëjtën veprimtari kriminale.
“Nga veprimet hetimore dyshohet se ky shtetas, nga muaji prill deri në muajin tetor të këtij viti, ka vjedhur shuma parash, steka me cigare dhe produkte të ndryshme ushqimore, në 15 subjekte të ndryshme private në qarkun e Durrësit.Në cilësinë e provës materiale janë sekuestruar mjete të ndryshme, që ky shtetas i përdorte për kryerjen e vjedhjeve”, njofton policia.
Po ashtu bëhet me dije nga të njëjtët se po punohet për zbardhjen dhe dokumentimin e rasteve të tjera të vjedhjeve që mund të jenë kryer nga ky shtetas.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
