Presidenti bjellorus Aleksandër Lukashenko, në një intervistë për Nbc, deklaroi se zgjidhja e konfliktit në Ukrainë mund të gjendet brenda një jave.
“Gjithçka varet nga SHBA dhe Mbretëria e Bashkuar. Nëse ulemi në tryezën e bisedimeve për të gjetur zgjidhje, më besoni se vjen brenda një jave”, tha ai.
Ai shtoi se Bjellorusia nuk do t’i bashkohet Rusisë për pushtimin e Ukrainës.
“Askush dhe këtu i referohem Rusisë nuk po na kërkon të marrim pjesë në ‘operacionin special ushtarak’. Ne e kemi thënë që nu do të marrim pjesë, por mesa duket nuk doni ta dëgjoni”, tha Lukashenko.
