Pas akuzave të bëra nga Ativie Qazimllari këtë të Enjte se Dionis Myrtollari, i kishte ngacmuar djalin me probleme të shëndetit mendor, i akuzuari ka reaguar për mediat.
Në deklaratën e tij Myrtollari është shprehur se nuk pranon asnjë akuzë të bërë nga nëna e djalit, ndërsa thotë se policia të hetojë çdo gjë.
“Nuk pranoj asnjë prej akuzave, komshinjtë e mi kanë probleme mendore, jam gati të vijë policia dhe të hetojë gjithçka. Në rast se vërtetohet edhe gjëja më e vogël mund të më varni në mes të fshatit. Më është dëmtuar imazhi, jam babai i tre fëmijëve që kanë frikë të dalin nga shtëpia sepse ajo familje i godet me gurë. Turp për policinë e cila nuk merr masa dhe dëmton imazhin e një njeriu të thjeshtë si unë”, ka thënë ai.
Në mbrojtje të tij kanë dalë banorët e fshatit të cilët në shenje proteste janë shprehur
“Dionisi është një djalë i mirë, nuk është fare problematik dhe nuk ka bërë asgjë nga këto që thotë ajo familja. Ajo familje është e shkatërruar dhe me probleme mendore. Kërkojmë që të zbardhjet ngjarja, për këtë arsye jemi të gjithë këtu në mbështetje të Dionisit”- shprehen ata.
Ishte Ativie Qazimllari, e cila akuzoi komshiun e saj se ky i fundit ka rrahur dhe abuzuar seksualisht me djalin e saj me probleme të shëndetit mendor
