Është rikthyer sërish në vëmendja ngjarja e rëndë që tronditi Greqinë, vrasja e britanikes Caroline nga bashkëshorti grek Babis Anagnostopoulos, rreth 2 vite më parë.
Lidia e vogël, vajza e të ndjerës Caroline dhe Babis Anagnostopoulos, mësohet se ndodhet në Filipine, konkretisht në Manila, që nga mbrëmja e së dielës.
Sipas informacioneve të TheNewspaper.gr, Susan dhe David Crouch, prindërit e Caroline Crouchs kanë marrë vendimin për t’u larguar nga Greqia, duke dashur që mbesa e tyre 2-vjeçare të rritet në një mjedis të sigurt, larg asaj që i kujton vrasjen e nënës nga babai i saj.
Prioriteti i tyre është Lydia e vogël dhe duan që ajo të rritet me familjen e gjysmëmotrës së Caroline Donna në Manila në Filipine.
Gjithashtu, sipas të njëjtave media, prindërit e Caroline po mendojnë madje të ndryshojnë edhe mbiemrin e fëmijës, ndërsa David Crouchs ka deklaruar se do të bëjë gjithçka që mundet që Babis Anagnostopoulos të mos e shohë sërish Lidia-n e vogël.
Në lidhje me vendimin e gjykatës që parashikon për prindërit e pilotit që ata të mund ta shohin Lydia-n për pesë ditët e fundit të çdo muaji nga ora 10:00 e mëngjesit deri në orën 14:00 pasdite, pritet që një kërkesë t’i drejtohet gjykatës që komunikimi të realizohet me skype.
Kujtojmë se vrasja e Caroline bëri bujë jo vetëm në Greqi por në mbarë Europën, për vetë faktin se si u përpoq për rreth 37 ditë më radhë piloti grek për të manipuluar faktet.
