Një tjetër rast i rëndë përdhunimi është regjistruar në Kosovë.
Policia bën me dije se një mashkull ka sulmuar seksualisht në automjetin e tij një grua në Vushtrri.
Pas denoncimit të së resë dhe marrjes së dëshmisë së saj, autori i dyshuar është dërguar në paraburgimi ndërkohë që vijojnë hetimet për zbardhjen e ngjarjes.
“SULM SEKSUAL/Vushtrri 11.10.2022-11:30 – 11:55. Është arrestuar i dyshuari mashkull kosovar, nën dyshimin se i njëjti, në automjetin tij e ka sulmuar seksualisht viktimën femër kosovare. Palët janë intervistuar dhe me vendim të prokurorit, i dyshuari është dërguar në mbajtje”-thuhet në njoftimin e policisë.
Kohët e fundit rastet e përdhunimeve janë rritur ndjeshëm në Kosovë. Kujtojmë që ngjarja më e rënë është ajo e 27 gushtit ku 5 burra për 7 orë kanë abuzuar seksualisht me një vajzë 11-vjeçare.
