Katër vite burg ka akorduar gjykata e Imperias ndaj dy shtetasve shqiptarë, të cilët u shpallën fajtor për pastrim parash.
Akuza ndaj shqiptarëve lidhej me arrestimin e tyre në vitin 2020, kur një automjet ku ishin fshehur rreth 300 mijë euro, u gjet nga policia.
Përveç dënimit me burg ndaj 45-vjeçarit me iniciale L. K. dhe mikut të tij, 44-vjeçari E. K., është vendosur edhe një gjobë prej 5000 euro.
Shifra prej 292 mijë eurosh u gjet në vitin 2020 në një parking makinash në Ventimiglia, ndërsa paratë ishin ndarë në disa qese marketi.
Prokurorët hodhën hipotezën se të ardhurat e paligjshme vinin nga droga dhe veprimtari të paligjshme.
