Një aksident ka ndodhur këtë të Hënë në zonën e Fushë-Prezës në Tiranë.
Mësohet se një kamion është përplasur me një makinë. Si pasojë e përplasjes është plagosur drejtuesi i makinës.
Policia njofton se shoferi është dërguar në spital për të marrë ndihmë mjekësore.
“Më datë 10.10.2022, në Fushë Prezë, një mjet tip kamion është përplasur me një autoveturë. Si pasojë drejtuesi i autoveturës është dëmtuar dhe po transportohet në spital për ndihmë mjekësore”, bëjne me dije blutë.
Grupi hetimor ndodhet në vendngjarje dhe po punon për sqarimin e rrethanave të aksidentit.
