Kryetari i Partisë Demokratike Sali Berisha ka marrë pjesë ne konferencën “Gratë kandidate dhe fituese” organizuar nga PD dhe Fondacioni “Hjarl Hjalmarson” i partisë simotër të PD suedeze “Moderaterna” në kuadrin e zgjedhjeve vendore.
Një nga të pranishmet në këtë takim tha se “unë nuk i them dot fëmijës tim që të zgjedhë profesionin e mësuesisë sepse ajo me këto projekte të qeverisë aktuale nuk ja del dot në të ardhmen.
Shqetësimit të pjesëmarrëseve në këtë konferencë për arsimin dhe sistemin e pagave dhe për planin e PD në pushtet për këtë çështje kreu demokrat ju përgjigj.
Berisha: Pa diskutim që arsimi është çështja më serioze për një komb për një vend. Jeni dëshmitarë për përpjekjet e mëdha që ka bërë PD dhe përsëri në pushtet ajo do të bëjë gjithçka për reformat dhe mbështetjen e arsimit dhe arsimtarit me përparësinë me të madhe.
Sot arsimtari në Shqipëri është më i keqpaguari në Ballkan dhe Evropë. Nuk ishte 8 vite me pare, atëherë paguhej me mire se te gjithë mësuesit në Ballkan.
Nuk kishte largime nga arsimi. Arsimi u be një profesion i preferuar. Nuk kishte vështirësi për tu ndjekur degët e mësuesisë.
Por me kthimin e patronazhistëve në arsim dhe me vendosjen e militantëve, me mbylljen jashtë kritereve të shkollave hyri edhe vendosja e një praktike burokratike për punësimin për mësuesit.
Në Shqipëri për mësuesit duhet 7-8 vite që një i shkolluar të punësohet në arsim, shkollë, stazh, vit pritje e me radhë.
Këto të gjithë absolutisht janë diferencim politik. Dhe këto do të marrin fund. Përsëri ne mësuesin do ta vendosim në piedestalin që meriton. Ne e kemi faktuar këtë.
Ne jemi në prag të një zhvillimi shumë të rëndësishëm. Pedagogët janë angazhuar në një protestë sepse qeveria tallet me ta. Rrogat e pedagogëve të Universiteteve ne Kosovë, janë 60-100 për qind më të larta se në Shqipëri.
Qeveria e Kosovës vendosi të japë shtesë çdo studenti 100 euro. Qeveria shqiptare, gënjeshtra dhe vetëm gënjeshtra.
Ne duhet të mbështesim fuqimisht protestën e pedagogëve. Duhet të bëjmë çmos që të nxisim që sindikata e mësuese të mbështesë sindikatën e punonjësve te universiteteve.
Duhet të bëjmë gjithçka për të vrarë frikën tek mësuesit, ndaj edhe duhet takime e biseda me ta. Duhet t’ua bëjmë të qartë se frika sot, do bëhet dyfish nesër nëse nuk dalim sot.
Ky ja ka dalë që tu fusë frikën njerëzve. Isha dje në minoritete. Pata një takim të shkëlqyer ne Derviçan. Por, jo një por disa prej tyre më thanë se shumë nga demokratët nuk erdhën dot nga frika e sipërmarrësve, sepse i pushojnë nga puna. Përndryshe u çon taksidarët ky (Rama).
Nuk ka rrugë tjetër përveç një beteje të hapur.
Do kthejmë organizmin që ka ekzistuar për drejtoritë arsimore. Ky ka bërë një kaos që do marrë fund me largimin e tij nga pushteti.
