Pjesa e parë e Milan-Juventus, e vlefshme për javën e 9-të të kampionatit italian të futbollit ka dhuruar shumë emocione dhe dy episode që pritet të shkaktojnë shumë polemika në ditët e ardhshme.
I pari ka ardhur në minutën e 30-të të takimit ku një goditje e Leao-s në zonën e rreptësisë është devijuar në goditje nga këndi nga Vlahovic me bërryl. Për arbitrin dhe VAR gjithçka ka qenë e rregullt.
I dyti ka ardhur në fundin e ndeshjes kur Tomori ka shënuar golin e avantazhit për kuqezinjtë. Një gol që ka ardhur nga një goditje nga këndi që për bardhezinjtë nuk duhej të jepej.
Në fakt, Cuadrado dhe Bonuçi kanë pretenduar se Theo Hernandez kishte shkaktuar një faull ndaj kolumbianit, por abitri nuk ka qenë i këtij mendimi.
Në mes, dy shtylla të goditura nga Leao, i cili ka tentuar të shënojë me thembër në rastine parë dhe me një goditje të bukur nga jashtë zone në rastin e dytë.
