Deputeti i Elbasanit, Aqif Rakipi është lënë i lirë 12 orë pas aksidentit me pasojë vdekjen e një 54 vjeçari. Prokuroria vendosi ta hetojë në gjendje të lirë deputetin, që pasi u largua nga vendi i ngjarjes u dorëzua vetë në polici. Aksidenti i ndodhur në autostradën Tiranë Durrës pas kthesës së Kamzës ka ngritur disa pikëpyetje. Përse deputeti u largua nga vendi i ngjarjes, dhe më pas u tha se ai u vetëdorzua në komisariat? A nuk duhej më parë ai të përqipej të ndihmonte personin që kishte aksidentuar dhe që më pas rezultoi të kishte vdekur? A prish ky largim nga vendngjarja provat e një ekspertize korrekte?
Por ekspertiza del në konkluzionin se faji për aksidentin e sotëm ishte i viktimës dhe jo i deputetit të PDIU. Emri i personit që mbeti i vdekur mëngjesin e sotëm, në aksidentin automobilistik është Seit Sorra. 54-vjeçari ka qenë duke ardhur nga Durrësi në Tiranë dhe sapo ka zbritur nga një furgon ka tentuar që të kalojë rrugën jo në mbikalim por në autostradë, kur është përplasur për vdekje nga makina e deputetit Rakipi. Viktima mësohet se ka qenë një tregtar i zonës.
Ndërkohë që pretendimi i dëshmitarëve të opozitës është se Aqif Rakipi ka qenë me shpejtësi të madhe, gjë që lihet të dyshohet edhe nga dëmtimi i konsiderueshëm i makinës së tij.
Boldnews.al
(Në foto viktima Seit Sorra)
