Ambasadorja e Shteteve të Bashkuara të Amerikës Yuri Kim ka shkuar në kryesinë e Kuvendit ku është takuar me kreun e Komisionit Parlamentar të Ekonomisë, Eduard Shalsi dhe nënkryetarja e Komisionit të Ekonomisë, deputetja demokrate Sorina Koti.
Ndërkaq është deputetja e PD-së ka zbardhur takimin. Koti u shpreh se ka informuar ambasadoren për situatën reale ekonomike të Shqipërisë.
“ Kam informuar ambasadoren për situatën reale ekonomike të Shqipërisë, duke u përqendruar tek situata e rënduar ekonomike për shkak të keqmenaxhimit. Morëm mbështetje nga ambsadorja duke na kërkuar që të jemi ne ata që të marrim përsipër më shumë detyra për mirëqenien e kryetarëve. Në cilësinë e nënkryetares së komisionit të ekonomisë, i bëra të qartë ambasadores se ne si forcë politike kemi bërë propozimet tona për ringritjen ekonomike të Shqipërisë”, shprehet demokratja.
Deputetja po ashtu tha se në takim nuk është folur për kryetarin e Pratisë Demokratike Sali Berisha.
“Në pamje të parë dukej se kishte një relatë institucionale mes komisionittë ekonomisë dhe ambasadores amerikane. Nuk u diskutua për Berishën. Ambasadorja shprehu shqetësimin për pastrimin e parave në Shqipëri, korrupsionin e lartë dhe inceneratorët. Ambasadorja theksoi se reformat duhet të ishin më agresive dhe se duhej të shkonin në burg personat e përfshirë në aktivitet korruptive”, përfundon Koti.
