Apeli ka lënë në fuqi masën e arrestit me burg ndaj Shefqet Likës, i cili akuzohet se fshehu vdekjen e gruas së tij.
Shefqet Lika akuzohet për shkaktim të vetëvrasjes dhe veprime që pengojnë zbulimin e të vërtetës.
“Gjykata e Rrethit Gjyqësor Tiranë, ka zhvilluar gjykimin lidhur me vlerësimin e arrestit dhe caktimin e masës së sigurimit “arrest në burg”, për personin nën hetim SH.L, i dyshuar për kryerjen e veprave penale “Shkaktimi i vetëvrasjes” si dhe “Veprime që pengojnë zbulimin e të vërtetës”, të parashikuara nga nenet 99 dhe 301 të Kodit Penal.
Me vendimin nr. 1862 Regj.Them, datë 08.09.2022, Gjykata e Rrethit Gjyqësor Tiranë ka vendosur: Vlerësimin si të ligjshëm të arrestit në flagrancë të personit nën hetim SH.L. Caktimin si mase sigurimi personal ndaj shtetasit SH.L, ate të “arrestit ne burg”, te parashikuar nga Neni 238 I K. Pr. Penale.
Në vijim, Gjykata e Apelit Tiranë, e përbërë nga Relatore Gjyqtare znj. Elona Toro, me vendimin nr, 856 datë 04.10.2022 vendosi:
-Miratimin e vendimit 1862 Akti, datë 08.09.2022 të Gjykatës së Rrethit Gjyqësor Tiranë”, thuhet në vendim.
Shahe Lika u gjet e varur në një serë pranë banesës së saj në Kamëz, por bashkëshorti e raportoi si vdekje natyrale. Ishin familjarët e viktimës që njoftuan policinë me pretendimin se bashkëshorti i saj nuk ka treguar të vërteten.
Gjatë dëshmisë në polici, 56-vjeçari tha se bashkëshortja ishte vetëvarur, por nuk tregoi sepse fëmijët dhe vëllezërit e saj nuk do e besonin dhe do e akuzonin për vrasje
