Në vrasjen e ndodhur në 4 Janar të këtij viti në zonën e Don Boskos në Tiranë, është ngatërruar objektivi. Kjo është pista e re e hetuesve pas dëshmisë së marrë të vëllezërve Erion dhe Adriatik Çela, të arrestuar si pjesë e një grupi kriminal në Durrës që akuzohet se vepronte me pagesë.
Zyrtarisht policia thotë se autor i kësaj ngjarjeje është Kevin Zeneli alias Kevin Suçi, ndërsa dy vëllezërit Indrit dhe Gentian Beqiraj, ishin bashkëpunëtorë në ngjarje.
Vrasja sipas policisë ishte porositur nga Kasandër Noga, aktualisht i arrestuar në Belgjikë. Porosia, sipas policisë ishte për të ekzekutuar Edmond Crroj dhe dy nipërit e tij.
“Në lidhje me objektivin e parë për të cilin ishte marrë porosia, për një shtetas dhe nipërit e tij, ishte planifikuar që vrasja të behej në zonën e Don Boskos, pasi ky shtetas frekuentonte një lokal të caktuar në këtë zonë. Pavarësisht porosisë dhe planifikimit, shtetasit Gentian Beqiraj dhe Indrit Beqira nuk kanë kryer veprime aktive në këtë ngjarje. Vrasja e këtij shtetasi nuk u krye për shkak të ngatërrimit të objektivit dhe për pasojë, më datë 04.01.2022 u vra shtetasi Erion Çela dhe u plagosën 4 shtetas të tjerë. Autori i kësaj ngjarjeje dyshohet të jetë shtetasi Kevin Zeneli, i cili pas ngjarjes është ndihmuar nga dy vëllezërit, për t’u larguar jashtë shtetit, tha në një deklaratë për mediat drejtori i policisë së Durrësit Skënder Hita.
