Në vend do të ndikojë paqëndrueshmëria të shtunën e deri në mëngjesin e së dielës.
Moti parashikohet me vranësira mesatare deri të dendura si dhe alternime të herëpashershme kthjellimesh. Prej mesditës së ditës së diel priten orë me diell.
Përgjatë ditës së shtunë, sipas Shërbimit Meteorologjik Ushtarak, do të ketë reshje shiu të përkohshme me intensitet të ulët e në formën e shtrëngatave lokale në veriperëndim e perëndim. Në orët e pasdites e deri në mëngjesin e së dielës në jug e pjesërisht në qendër, priten reshje shiu e rrebeshe.
Era do të fryjë juglindje dhe verilindje. Gradualisht të dielën do të kthejë nga veriperëndimi mesatare e përkohësisht e vrullshme në bregdet.
Valëzimi në dete parashikohet i forcës 2 dhe 3 ballë.
