Deklaratat e ambasadores Yuri Kim u analizuan edhe nga analisti Armand Shkullaku. Tonet e fjalës së Kim, Shkullaku i cilësoi më të buta se ato të momenteve kur Berisha u shpall non grata.
Për Shkullakun, Kim ka qenë gjithmonë palë me qeverinë Rama.
“Nëse nuk e ka njohur njeri historinë e Yuri Kim deri më sot, thotë se është ambasadore nuk është palë. Ajo më parë ka qenë palë. Ka mbështetur hapur qeverinë e Ramës. Ka qenë palë se foli për PD dhe tha se njeh ata që janë me ligjin. Kemi ppasur një parlament kukull dhe ajo mbështeti atë opozzitë që tallej me gjithë shqiptarët. Kim na çoi në marrëveshjen e 5 qershorit. Nuk foli për anëtarët e Gjykatës Kushtetuese, kur u shemb teatri. Kanë qenë raste të ndjeshme që për mua, Kim ka qenë palë. Por nëse e sheh sot, duket se është një ambasadore jo palë. Me Berishën duket se ka zbutur tonet. Kim ka arritur të jetë jo vetëm pal mes palëve por edhe pal Brenda palëve“, tha ai në emisionin “Opinion”.
