Ministria e Jashtme e Malit të Zi ka njoftuar se ka shpallur persona non grata gjashtë diplomatë rus të akredituar në Podgoricë.
Në postimin e tyre në Twitter thuhet se ata shpallen non grata “për shkak të veprimtarive që janë në kundërshtim me Konventën e Vjenës për marrëdhëniet diplomatike dhe marrëdhëniet e vlerësimit dhe respektit të ndërsjellë mes dy vendeve”.
@MFA_MNE declared 6 diplomats of the Embassy of the Russian Federation accredited in Montenegro as personae non-gratae, due to activities that are contrary to the Vienna Convention on Diplomatic Relations and relations of mutual appreciation and respect between the two countries.
— MFA Montenegro (@MFA_MNE) September 29, 2022
Agjencitë ligjzbatuese në Malin e Zi kanë ndërmarrë të enjten një operacion masiv kundër një grupi personash që dyshohen si agjentë të spiunazhit rus.
Autoritetet lokale kanë deklaruar se forcat speciale, nën drejtimin e Agjencisë për Sigurinë Kombëtare dhe Prokurorisë së Posaçme, kanë arrestuar dhjetëra persona në Podgoricë.
Sipas burimeve zyrtare, të arrestuarit janë kryesisht shtetas rusë, por edhe malazezë, mes të cilëve një funksionar i administratës shtetërore.
