Gjykata e Lartë e Aargaut ka dënuar me burgim të përjetshëm shqiptarin nga Kosova i cili vrau gruan dhe kunatën e tij më 8 janar të vitit 2018.
Sipas argauerzeitung 54-vjeçari do të dëbohet nga vendi për një periudhë 15-vjeçare pas vuajtjes së burgut. Po ashtu, shqiptari duhet t’iu paguajë paditësve 200 mijë franga si dëmshpërblim.
Kështu, Gjykata e Lartë konfirmoi vendimin e shkallës së parë të Gjykatës së Qarkut Brugg. Palët pastaj kanë 30 ditë për të apeluar vendimin në Gjykatën e Lartë Federale, raporton aargauerzeitung.
