Anëtar i Kryesisë së Partisë Demokratike, Aldo Bumçi ka folur mbi situatën politike në vend.
Bumçi në një lidhje Skype për “Fax News” u shpreh se këtë vjeshtë priten protesta të fuqishme pasi jeta e çdo qytetari është prekur nga kjo keqqeverisje, duke i detyruar të largohen masivisht jashtë vendit.
“Sot duhet të ndërtojmë një koalicion të gjerë sepse kemi përpara një rrezik të madh sepse largimi i popullsisë me këtë ritëm, shkatërrohet sektori ekonomik, zgjidhja nuk janë bangladeshasit”, tha ndër të tjerash ai.
“Nuk është marrë asnjë vendim që s’është vazhdimësi e asaj që ndodhi me 6 mars, që kandidatët për kryetar bashkie do vijnë nga një garë e brendshme. Duhet një proces brenda partisë dhe koha e nevojshme për garë në mënyrë që të dalim me kandidaturat më të mira këtë pranverë. Me PL-në ne jemi në një marrëdhënie të plotë bashkëpunimi, aksioni opozitar ka qenë në harmoni të plotë.
Të gjithë duhet të bëhemi bashkë përballë këtij rreziku. Jemi pra në një koalicion, e shikojmë që duhet patjetër të koordinohemi me çdo faktor kundër Ramës sepse këtu nuk ka siguri për pronën, biznesin. Rënia e shtetit të së drejtës, një njeri që e trajton vendin e tij si çiflig dhe e kemi parë si njerëzit jan nxjerrë jashtë dhe nuk janë dëmshpërblyer. Sot duhet të ndërtojmë një koalicion të gjerë sepse kemi përpara një rrezik të madh sepse largimi i popullsisë me këtë ritëm, shkatërrohet sektori ekonomik, zgjidhja nuk janë bangladeshasit.
Është folur për një vjeshtë, jo thjesht një shtator! Duhet të kuptojmë që protesta e korrikut, u organizua shumë thjeshtë, aq më lehtë do e organizojmë tani. Kjo nuk është beteje e PD-së por e shoqërisë, nuk është se unë ulem në kolltuk dhe shoh çfarë ndodh nga ekrani, është jeta e secilit. Të gjithë janë të prekur nga keqqeverisja, nga një qeveri e kriminalizuar që nuk njeh as ligj e Kushtetutë. Çfarë mbështetje po jep kjo qeveri për rritjen e kostove”-tha Bumçi.
