Kryetari i Partisë Demokratike, Sali Berisha ka publikuar në FB, një video të vjetër të ish-kryeministrit Nano, i cili pohonte se e mori Edi Ramën me thonj pa prerë nga Parisi.
Berisha shkruan krahas videos “Kur nuk ke moral, nuk mund të kesh problem moral!”
Ndërkaq në video shfaqet Nano i cili aso kohe shprehej se e kishte nxjerrë Ramën nga bataku i fyerjeve duke e bërë nga refugjatë në ministër dhe më pas kryetar bashkie.
“Edi Rama ka një problem moral, e kam marrë si refugjat me thonj të pa prerë nga Parisi dhe e kam bërë pjesë të ekipeve tona. Unë mund të kem bërë shumë gjëra, por e nxora nga bataku i fyerjeve. Nga refugjat dhe shitës i ikonave të vjedhura, në ministër dhe në kryetar të bashkisë më të madhe në Shqipëri.”, shprehej Nano.
