Kryetari i Partisë Demokratike, Sali Berisha deklaroi këtë të Premte se auditi për financimet e dyshuara ruse që ka marrë PD në kohën kur drejtohej nga Lulzim Basha, do të fillojë shpejt punën.
“Unë u shpjegova se kanë marrë çdo gjë me vete. Edhe hard disqet edhe çdo gjë. Pavarësisht kësaj, ne do bëjmë punën. Ajo që kam unë, dëshmi dhe dokument, nga hetimi i prokurorisë dhe dëshmitë që kanë dhënë Arben Ristani dhe Ilir Dervishi, del se asnjë qindarkë nuk ka hyrë dhe ka dalë në arkën e PD. Në këtë kontekst, unë e quaj veprim të papërgjegjshëm personal të Lulzim Bashës. Se i tillë është. Ne do bëjmë të pamundurën për atë që hetim që mund të bëjmë. Tjetrën natyrisht e bllokon Edi Rama”, tha Berisha.
