Kryetari i Partisë së Lirisë, Ilir Meta me tone të ashpra i ka etiketuar si “flliqësira” personat që janë pjesë në Autoritetin e Dosjeve.
I ftuar në në Top Channel, Meta tha se Autoriteti i Dosjeve nuk zbatojnë ligjin dhe sipas tij janë “5 fëlliqësira që i ka korruptuar Rama”.
“Duhet të dalin se çfarë fëlliqësirash që janë në autoritetin e Dosjeve. Epitetet janë në dorën time. Unë jam mësuar me shumë shpifje. U ka nxjerrë emrat njerëzve, pa bërë deklasifikimin. Kanë dalë emrat e personave që kanë qenë të përfshirë. Unë shkoj në ato 5 fëlliqësirash që i ka korruptuar Edi Rama për të kërkuar verifikimin e anonimatin. Unë po i shkoj tek Prokuroria e Edi Ramës, le të vijnë atje ata. Ata ligjet që bëjnë vetë! Unë e kam thënë, aty ku t’i shijojë më mirë Edi Ramës. Kjo është toleranca më e madhe. Ti bën një ligj për të legjitimuar akuzat e 5 fëlliqësirave. Ata meritojnë vetëm një emër, 5 fëlliqësira. Ai është një institucion Kushtetues. Do duhet të zbatojnë ligjin, por kanë dhe dimensione humanitare,” tha Meta.
Gjithashtu Meta ka deklaruar se për tu futur në Sigurimin e Shtetit ka pasur 25 kritere. Meta ka deklaruar se lajmet që ai është ish-sigurims janë lojëra, duke theksuar se Autoriteti i Dosjeve u shqetësia për një e-mail anonim. Po ashtu, Meta tha se pas këtij emaili, Autoriteti i Dosjeve mori 7 vendime të paligjshme brenda 24 orëve.
“Ka pasur 25 kritere për t’u futur në Sigurimin e Shtetit. Shkruhej emri i plotë, emër mbiemër, atësi. Këto janë lojrat e tyre. Kam një pyetje, Autoriteti i Dosjeve u shqetësia për një e-mail anonim që gjoja erdhi nga Amerika, erdhi me iniciale VFLP, një dosje që gjoja donte ta hiqte Berisha. Këta për 24 orë morën 7 vendime të paligjshme, kishin një ligj të gatshme, e çuan në Kuvend. E merr ai personi që gjoja e kisha spiunuar unë, që nga data 3, pra pas më shumë se 50 ditësh, ai thotë që kjo është një mashtrim dhe falsifikim. Ju nuk e keni lexuar i thotë, jeni palaço i thotë, se unë ato që kam thënë në 1990 kur më ka ndaluar sigurimi i shtetit, ia kam shruar me shkrim dore. Kam folur vetëm me këta të tjerë,” tha Meta.
