Inspektorët e Doganës në portin e Pireut, kanë zbuluar një tjetër sasi të konsiderueshme kokaine.
Duke përdorur programin special të analizës së rrezikut dhe softuerin e zbulimit të ngarkesave të dyshimta, ata identifikuan një kontenier, me origjinë nga Ekuadori, me një ngarkesë të deklaruar “banane”. Aty, në makinerinë ftohëse, mjeti vetëlëvizës me rreze X ka gjetur një lëndë organike të dyshimtë. U konstatua se aty ndodheshin 40 pako kokainë, me peshë totale 46 kilogramë.
Kontejneri vinte nga porti i Guayaquil, në Ekuador dhe kishte Selanikun si destinacion përfundimtar. Vlera e sasisë së kokainës llogaritet në 1.92 milionë euro. Droga u sekuestrua dhe i kaloi Autoritetit Portual të Pireut, i cili po kryen hetimet paraprake.
