Partia Socialiste dhe ajo “grupimi Alibeaj’ kanë gjetur dakordësi për dy nismat e para për dosjet e ish sigurimit të shtetit.
Në Komisionin e Ligjeve u diskutuan këtë të mërkurë ndryshimet që socialistët kërkojnë në ligjin e dosjeve të vitit 2015 për t’i dhënë mundësi autoritetit të dosjeve që të kryejë verifikime për personat pavarësisht nëse janë të pajisur me një certifikatë nga komisionet “Mezini” dhe “Bezhani”.
Dy nismat nuk gjetën mbështetjen e grupimit tjetër në Partinë Demokratike dhe as të aleatit të demokratëve, Fatmir Mediut.
Në emër të Partisë së Lirisë, Erisa Xhixho e kundërshtoi nismën duke e konsideruar si goditje ndaj ilir Metës.
Gentiana Sula e pranishëm në komision iu përgjigj akuzave të Xhixhos. “Nuk kemi bërë hetime për ish presidentin”, u shpreh ajo.
Në fundit, “grupimi Alibeaj” dhe deputetët e PS asbhkuan votat duke miratuar projektligjin në parim.
Nga kreu i PD-së Sali Berisha, nisma është bërë posaçërisht për të goditur Metën përmes një dosjeje të manipuliar. Ndërsa kreu i Partisë së Lirisë, Ilir Meta ka paditur drejtuesen e Autoritetit të Dosjeve dhe disa vartës së saj, duke u shprehur se kanë kryer manipulime për llogari të kryeministrit Edi Rama.
