Këtë të mërkurë është paraqitur në SPAK, deputeti i Partisë Demokratike Zef Hila, ish-kryetar i bashkisë Vau të Dejës.
Hila ka reaguar përmes një postimi në rrjetet sociale ku tregon se u paraqit pranë SPAK-ut në cilësinë e personit që ka dijeni për rrethanat e hetimit, për një çështje që është në proces.
Ai theksoi se nuk mund të japë detaje, pasi hetimi i çështjes është në proces nga organi procedues dhe konsiderohet sekret.
“Sot u paraqita pranë SPAK-ut në cilësinë e personit që ka dijeni për rrethanat e hetimit. Kjo, lidhur me një çështje që është në proces. Nuk mund të jap detaje për sa shpjegova në respekt te ligjit, pasi hetimi i çështjes është në proces nga organi procedues dhe konsiderohet sekret. Unë si deputet i Partisë Demokratike do të vazhdoj misionin tim ne mbështetje dhe mbrojtje të interesave të qytetareve”, shkruan Hila në FB.
