Emre Olur, i njohur si këshilltari për shtyp i Sedat Peker, është deportuar drejt Spambollit vetëm pak orë pasi zbriti në aeroportine Rinasit.
Autoritetet tona i kanë refuzuar azilin politik shtetasit turk, duke vendosur deportimin e tij drejt Turqisë pa pasur një seancë gjqësore. Sipas mediave turke, Olur u mor nga ekipet e interpolit dhe u kthye në Stamboll rreth orës 09:15 të mëngjesit të sotëm. 26-vjeçari turk ka shfrytëzuar pasaportën shqiptare për të udhëtuar disa herë drejt Maqedonisë së Veriut, në Dubai. Nga Emiratet e Bashkuara Arabe ai kishte planifikuar të fluturonte drjet Serbisë, por autoritetet aty kanë vënë në dijeni agjentët turq të cilët kanë nisur gjurmimin.
Me të mbërritur në aeroportin e Rinasit, Olur është ndaluar. Ai ka thënë se jeta e tij është në rrezik dhe ka kërkuar azil. Por diçka e tillë i është mohuar nga autoritetet e vendit tonë, të cilët e kanë deportuar drejt Stambollit.
Gazetari turk ka mbajtur një qëndrim kritik ndaj politikës së presidentit turk Rexhep Taip Erdogan.
