Një tragjedi ka ndodhur mbrëmjen e sotme në Ksanthi të Greqisë ku një fëmijë i mitur dy vjeçar ka humbur jetën si pasojë e përplasjes fatale nga një makinë.
Ngjarja fatale ka ndodhur pranë një kryqëzimi, raportojnë mediat greke.
Nga informacionet e para thuhet se fëmija është përplasur në rrugë dhe është tërhequr zvarrë nga mjeti që kalonte, drejtuesi i të cilit i tronditur dukshëm nga përplasja ka ndaluar dhe e ka dërguar fëmijën fatkeq në Spitalin e Përgjithshëm të Ksantisë, ku i mituri nuk ka mundur të mbijetojë.
