Një 52-vjeçar është ekzekutuar me breshëri plumbash në orët e para të mëngjesit të kësaj të Premte në Chrysoupolis Kavallë, në Greqi.
Sipas protothema.gr, persona të panjohur i kishin ngritur kurth 52-vjeçarit jashtë fabrikës së mermerit ku ai punonte.
52-vjeçari ishte nisur për në punë dhe në momentin që ka zbritur nga makina është përballur me breshërinë e plumbave të cilët rezultuan fatalë.
Mësohet se viktima ishte baba i dy fëmijëve, ndërsa ende nuk është bërë i ditur identiteti i tij.
Policia ka rrethuar zonën dhe ka nisur hetimet për identifikimin e autorit/autorëve dhe zbardhjen e rrethanave në të cilat ndodhi ngjarja.
