Lefkotheia Karasa është e moshuara e cila banon në fshatin Nartë të Vlorës që pas konfliktit për një ndërtim pa leje të një kuzhine në oborrin e shtëpisë së saj është kallëzuar në polici. Ditën e djeshme ajo u mor nga policia për t’iu drejtuar komisariatit, duke u trajtuar si kriminele vetëm për një shtesë që kishte ndërtuar në oborrin e saj. Për mediat, 81-vjeçarja e cila jeton vetëm, shprehet se ka frikë të dalë të dalë nga banesa se mos e sulmojnë.
“Ndërtova shtëpinë, as dy vjet nuk i ka mbushur. Erdhi policia më mori me forcë, ika atje. Nuk mbaj edhe mend e shkreta. Unë jetoj vetëm, kam një vajzë dhe djalë. Kam frikë se vetëm jam. Nuk flas fare me komshnjtë, më ka bërë të 500-ta mua. Jam e frikësuar, trembem. Me vjen kunata, motra e burrit. Natën mezi më zë gjumi mua. Mbyll derën. Një police që ishte përpara, më tha mua, hajde hajde tani ma tha”- u shpreh ajo.
E moshuara shtoi se ndërtimi nuk është kotec pulash siç u raportua më herët por një kuzhinë.
