Duart e monarkut të ri në fron janë komentuar prej vitesh në Twitter, po së fundmi u rikthyen në vëmendje pasi ai u shpall Mbret, pas vdekjes së nënës së tij, mbretëreshës Elizabeth.
Komentuesit në rrjetin social supozojnë se gishtat e Mbretit të ri duken në çdo foto të ënjtur dhe të skuqur, madje i krahasonin ato me salçiçe.
Dr. Gareth Nye, ka folur së fundmi se çfarë mund të nënkuptojnë duart e mbretit Charles për shëndetin e tij. Doktori shpjegoi se ndërsa “ngarkesat” mund të shkaktojnë fryrje të gishtërinjve, ekzistojnë edhe gjendje të tjera që e e shkaktojnë këtë gjë.
“Edemë është një gjendje ku trupi fillon të mbajë lëngje në gjymtyrë, normalisht në këmbë dhe kyçe, por edhe në gishta, gjë që i bën ato të fryhen. Edema është një gjendje e zakonshme dhe më së shumti prek njerëzit mbi 65 vjeç, pasi aftësia për kontrollin e lëngjeve është e kufizuar. Për të parë nëse ky është shkaku, shtypja e zonës së fryrë për rreth 15 sekonda do të shkaktonte një depresion në zonë.”
Një tjetër mundësi, sipas Dr. Nye, është artriti, për të cilin ai shpjegoi se “shpesh prek tre zona kryesore në dorë – nyjen e gishtit të madh ose njërën nga nyjet në gishta. Gishtat zakonisht bëhen të ngurtë, të dhimbshëm dhe të fryrë dhe megjithëse mjekimi mund të ndihmojë me dhimbjen, ënjtja mund të mbetet”, tha Dr. Nye për Daily Star.
Megjithatë, Dr. Nye siguroi publikun se nuk ka asgjë për t’u alarmuar, duke shpjeguar: “Nuk ka shqetësime të menjëhershme shëndetësore që mund të konkludohen nga gishtat e fryrë dhe ka shumë të ngjarë një shenjë e moshës së tij”.
