Gazetari Denis Dyrnjaja u shpreh se politikanët kryesorë duhen marrë me furgonë dhe duhen çuar para drejtësisë të shpëtojë vendi.
Sipas tij, vetëm kështu do të jenë shqiptarët të relaksuar dhe prokuroria do të veprojë, por nëse prokuroria mbetet tek presioni, nuk ka çfarë të bëjë.
“Po këta duhen marrë grup bashkë me nja 3 furgonë dhe të shkojnë atje tek vendi dhe ta shohësh Shqipërinë nesër se si do të jenë njerëzit të relaksuar dhe prokuroria do të veprojë. Por nëse prokuroria mbetet tek presioni, nuk ka çfarë të bëjë. Del Balla dhe del burrë i mirë, del Ilir Meta dhe thotë se është burrë i mirë dhe këta të tjerët nuk janë të mirë. Këtu të gjithë janë të zhargavitur. Të gjithë njëlloj janë, më keq se keq. Të hetohen e gjykohen dhe dalin të pafajshëm le të vazhdojnë jetën politike, por të përballen njëherë me drejtësinë kjo i duhet vendit dhe i shërben të vërtetës”, tha Dyrnjaja në RTV Ora.
