Ish-deputeti Lefter Maliqi tha në studion e “Fax News” se protesta e sotme do sjellë një revoltë në rritje pasi tashmë opozita nuk është e blerë apo e përçarë por e vendosur të denoncojë skandalet e qeverisë.
Maliqi tha se vendi është kthyer në diktaturë, ku qytetarët po përballen çdo ditë me rritjen galopante të çmimeve, korrupsionin dhe e vetmja alternativë për ta mbeten emigrantët.
Ai u shpreh plotësisht i bindur se opozita e bashkuar do të ketë një protestë finale të qëndrueshme.
“Opozita ka nisur me denoncime direkte në vendin e krimit. Isha i pranishëm bashkë me qytetarë të Beratit, live nga vendi i krimit, te Inceneratori i Tiranës që nuk ekziston. Nuk po shohim asgjë nga kjo reformë në drejtësi, nga ky SPAK i famshëm. Ky korrupsion galopant, kjo varfëri, ky shpopullim, tani nuk ka opozitë që blihet por reale. Kishte përfaqësues të PD-së, thirrja për protestë nuk ka qenë marrëveshje e përbashkët e dy forcave politike.
Shpresoj që kjo revoltë të vijë në rritje, sot kishte mbi 2 mijë veta në protestë pavarësisht se nuk dinin vendin, kam një bindje totale se opozita e bashkuar do ketë një protestë të qëndrueshme dhe denoncime të vazhdueshme publike. Nuk kërkoj zgjedhje të parakohshme para aty lokale.
Ne si opozitë nuk kemi përfaqësim në institucione, kshuqë vendi është në krizë të paparë, isha 3 ditë në Kuçovë dhe fshatarët bënin bilancin dhe dilnin me minus, e kanë mendjen te emigrantët që kanë jashtë. Vendi është kthyer de facto në diktaturë”-përfundoi Maliqi.
