Një tjetër rast përdhunimi raportohet të ketë ndodhur në Kosovë. Policia bën me dije se një vajzë e mitur dyshohet se është përdhunuar nga një person i moshës madhore.
Ngjarja mësohet se ka ndodhur 1 muaj më parë, në komunën e Istogut bëjnë me dije të njëjtat burime.
“Rasti ka ndodhur para një muaji më 09 gusht 2022 në komunën e Istogut, viktima nuk e ka raportuar rastin për shkak të frikës. Hetuesit po e trajtojnë rastin dhe të dyshuarit i është caktuar masa e ndalimit për 48 orë”,ka njoftuar zëdhënësi i policisë rajonale në Pejë, Fadil Gashi.
E mitura është paraqitur në polici për të bërë kallëzim bashkë me prindërit e saj. Pas raportimit të rastit, policia ka arrestuar të dyshuarin, i cili me urdhër të prokurorit është dërguar në mbajtje.
Kujtojmë që para disa kohësh një ngjarje e tillë ka tronditur Kosovën ku një 11-vjeçare është përdhunuar nga 5 meshkuj për 7 orë rresht.
