Një 19-vjeçar është arrestuar në Korçë pasi qarkullonte në qytet me thikë dhe me 2 përforcuese grushti.
Sipas njoftimit të policisë në pranga ka përfunduar shtetasi me iniciale Dh.T, i cili akuzohet për veprën penale “Prodhimi, mbajtja, blerja apo shitja pa leje e armëve të ftohta”.
“Qarkullonte me armë të ftohta me vete, vihet në pranga 19-vjeçari dhe i sekuestrohen një mjet prerës (thikë) dhe 2 përforcuese grushti. Si rezultat, u bë arrestimi në flagrancë i shtetasit Dh. T., 19 vjeç, banues në Korçë, për veprën penale “Prodhimi, mbajtja, blerja apo shitja pa leje e armëve të ftohta”. Shërbimet e Policisë, gjatë kontrollit fizik të ushtruar 19-vjeçarit, në lagjen nr. 12, Korçë, në ambientet e një lokali, i gjetën një mjet prerës (thikë) dhe 2 përforcuese grushti, të cilat u sekuestruan në cilësinë e provës materiale”, njofton Policia e Korçës.
Materialet i kaluan Prokurorisë të Rrethit Gjyqësor Korçë, për veprime të mëtejshme.
