Një stuhi shiu përmbyti fshatin Bardhaj në Shkodër.
Uji hyri në dhjetëra shtëpi, duek shkaktuar dëme të mëdha.
Banorët thonë se goditja për ta ka qenë e madhe, ndërsa akuzojnë strukturat shtetërore se nuk iu përgjigjën për ndihmë.
“Çfarë kam pasur brenda në shtëpi mi ka dëmtuar të tëra. Më ka marrë para makinën më ka dëmtuar çdo gjë. Shteti nuk ka pastruar kanale prej 30 vitesh. Kam njoftuar policinë dhe më tha nuk kam punëtorë”, tha një banore për gazetarët.
“Shikoni si janë mbyllur kanalet. Kjo nuk është katastrofë natyrore por njerëzore. Nuk i bie askush prapa” , tha një tjetër.
“Na ka hyrë uji një metër e gjysmë. Ishim duke u mbytur. Njoftuam shtetin por shteti na tha nuk kemi çfarë të bëjmë”, shprehet një tjetër.
Bashkia Shkodër ka nxjerrë grupet e punës në terren dhe po bën vlerësimet përkatëse. Gjatë të shtunës intensiteti reshjeve ka qënë më i ulët në territorin e bashkisë.
Lexo edhe:
