Lufta në Ukrainë nuk duket dhe aq premtuese me Rusinë, teksa efektet e para të tejzgjatjes së konfliktit kanë nisur të ndihen.
Kështu, në Khersonin e komanduar nga rusët, komandantët kanë nisur të përballën me kryengritje, teksa një regjiment i plot po refuzon të luftojë.
Regjimenti 127 rus i korpusit të parë të ushtrisë thuhet se ka injoruar urdhrat për të luftuar në një betejë në jug të Khersonit, sipas inteligjencës të cituar nga komanda operacionale jugore e Ukrainës.
Sipas raportimeve, refuzimet janë derivat i mungesës së furnizimeve bazë dhe mungesës së pagave të tyre.
Sipas DailyMail, ushtarët që udhëhoqën rebelimin u thanë eprorëve se nuk mund të luftonin sepse kishin duruar javë të tëra mungesë uji dhe vakteve me racione të pakta.
Agjencitë ruse të inteligjencës GRU dhe FSB hetuan individët përgjegjës për udhëheqjen e revoltës dhe i hoqën ata nga pozicionet e tyre.
Kryengritësit ka të ngjarë të përballen me një fat të tmerrshëm në qendrat e paraburgimit në territorin e pushtuar nga Rusia, ku mund të torturohen.
Regjimenti 127 është vetëm një nga disa njësi ruse që kanë zgjedhur të injorojnë urdhrat.
Një njësi nga regjimenti i 113-të i ushtrisë të të ashtuquajturës Republika Popullore e Donetskut në qershor postoi një video përmes aplikacionit të mesazheve Telegram, ku komandanti mund të dëgjohet duke thënë: “Kompania jonë kapërceu të ftohtin dhe urinë dhe për një periudhë të konsiderueshme e bëmë këtë pa mbështetje materiale, pajisje mjekësore apo ushqim”.
