Një tigër është arratisur nga një kopësht zoologjik privat në Ukrainë. Kanë qenë autoritetet në Sllovakinë lindore ato të cilat e kanë bërë të ditur lajmin, teksa u kanë kërkuar banorëve të jenë të kujdesshëm dhe të ruhen.
Policia sllovake ka thënë se është njoftuar nga vetë policia ukrainase për arratisjen e tigrit. Është konfirmuar edhe nga kamerat e sigurisë se tigri ka vizituar tre qytete sllovake, njoftojnë mediat vendase.
Mësohet se tigri u arratis nga pronari i tij në Ukrainë dhe gjatë fundjavës ai ka kaluar kufirin.
Drejtori i kopshtit zoologjik privat Miroslav Bural tha për mediat sllovake se tigri u transportua aty për shkak të pushtimit rus.
