Ministrja e Rinisë dhe e Mirëqenies Sociale, Olta Xhaçka, ka qenë sot në Berat ku ka thënë se në 3 vite e gjysmë qeveria ka ndihmuar familjet e varfëra. I menjëhershëm ka qenë reagimi i PD me anë të sekretarit të degës, Namir Lapardhaja.
Sipas tij e vërteta është krejtësisht ndryshe. “Sipas të dhënave të publikuara nga INSTAT, numri i familjeve që merrnin ndihmë ekonomike ne këtë qark në fund të tremujorit të tretë 2015, ishte 2371 familje, ndërsa në tremujorin e tretë të vitit 2016 ky numër është reduktuar në 1800. Pra. jane hequr nga ndihma ekonomike 571 familje”.
