Një i ri është arrestuar mbrëmjen e djeshme në Elbasan pasi në makinë iu gjetën 5 emigrantë të paligjshëm.
29 vjeçari E. P., me precedent të mëparshëm fillimisht nuk i është bindur urdhërit të policisë për të ndaluar ndërsa më pas është bërë dhe arrestimi i tij.
29-vjeçari i arrestuar, mësohet se ishte dënuar më parë, në Angli, për disa vepra penale, sipas policisë.
“Në aksin rrugor Elbasan – Peqin, shërbimet e Policisë i kanë bërë shënjë ndalimi automjetit tip “Hyundai”, me drejtues shtetasin E. P., i cili nuk e ka ndaluar automjetin, por ka tentuar të largohet me shpejtësi dhe për pasojë ka dalë nga rruga kryesore.
Pas ndekjes nga Policia, ky shtetas është ndaluar së bashku me automjetin që drejtonte, me të cilin po transportonte 5 emigrantë të paligjshëm, kundrejt fitimit, me qëllim kalimin drejt vendeve të BE-së,” njofton policia.
I riu akuzohet për veprat penale “Ndihma për kalim të paligjshëm të kufijve” dhe “Mosbindja ndaj urdhrit të punonjësit të policisë së rendit publik”.
