Serena Williams i dha lamtumirën US Open dhe karrierës së saj të shkëlqyer, pasi humbi kundër Ajla Tomljanovic të Australisë në New York.
Tenistja amerikane kishte kohë që kishte paralajmëruar tërheqjen e saj nga ky sport, dhe këtë gjë e bëri duke shpërthyer në lot dhe duke theksuar se “këto janë lot lumturie”.
“Falënderoj të gjithë ata që kanë qenë me mua në këtë udhëtim të jashtëzakonshëm, që zgjati me vite, me dekada. Vërtetova se isha ende e aftë të luaja në nivele të larta, por tani jam gati të bëj rolin e nënës, për të eksploruar një tjetër dimension të jetës time”, u shpreh mes lotësh Serena Williams.
Tifozët u ngritën në këmbë kur ajo u largua nga fusha në stadiumin Arthur Ashe, skena e triumfit të saj të parë të madh në 1999 dhe pesë fitoreve të tjera më të mira në karrierën e saj historike.
Në karrierën e saj të jashtëzakonshme, Serena numëron 73 trofe dhe 23 tituj të Grand Slam.
