Rina Balaj dhe Tayna ishin dy repere të cilat e nisën pothuajse njëkohësisht karrierën e tyre në muzikë. Tayna vazhdon ende të bëjë rep, ndërsa Rina ka lënë pas diss-et duke iu kushtuar më shumë këngëve për dashurinë.
Së fundmi, Rina ka zbuluar në një intervistë për ‘T7’ se ka marrë një kërkesë për bashkëpunim me Taynën por ajo e ka refuzuar. Sipas artistes nuk ka qenë personalisht reperja që ka kontaktuar me të por menaxheri i saj.
Ajo u shpreh se nëse bashkëpunimi do të ishte kërkuar para dy viteve, mund ta kishte pranuar por tani ajo ka ndryshuarm teksa thumboi se nuk dëshiron të shfaq urrejtje dhe një ‘fake feminism’ (një feminizëm jo të vërtet).
“Po është kërkuar, por nuk është kërkuar personalisht nga ajo por menaxheri i saj ka kërkuar bashkëpunimin që nuk është bërë. Arsyeja është që nëse do e kishte kërkuar para dy vitesh ndoshta do të kisha pranuar, tani nuk jam më ai person, nuk po mendoj më për hate (urrejtje) apo fake feminism”- tha Rina.
