Sot rreth orës 12:45, në sheshin “Zahir Pajazitit” në Prishtinë ka nisur protesta në mbështetje të 11-vjeçares, e cila u përdhunua nga 5 burra.
Protesta në Prishtinë organizohet nga Kolektivi për Mendim dhe Veprim Feminist që është mbledhur para ministrisë së Drejtësisë duke hedhur bojë të kuqe në dyert e saj.
Për po të njëjtin qëllim sot protestohet dhe në Tiranë e Shkup.
Mbledhja e qytetarëve në kryeqytet bëhet në sheshin “Nënë Tereza” në orën 18:30, ndërkohë në Shkup në orën 17:00.
5 persona kanë abuzuar seksualisht ndaj një të miture, vetëm 11 vjeç në Kosovë.
4 prej autorëve u vunë menjëherë në pranga, ndërsa mesditën e së martës është arrestuar personi i pestë i përfshirë në ngjarjen makabre.
Për këtë rast ka dhënë dorëheqjen edhe Drejtor i Policisë së Kosovës, Samedin Mehmeti.
