Një i ri është vënë në prangat e policisë së Durrësit, i dyshuar për disa vjedhje në portin e Durrësit.
Specialistët për Hetimin e Krimeve të Komisariatit të Policisë Durrës arrestuan në flagrancë për veprën penale “Vjedhja”, shtetasin M. H., 25 vjeç, banues në Durrës, njoftoi policia.
I riu dyshohet se në port, Durrës, ka vjedhur pjesë të ndryshme të automjeteve të bllokuara, shtuan të njëjtat burime.
Ndaj të ndaluarit hetimet janë në vijim, ndërkohë që materialet iu referuan Prokurorisë së Durrësit për ndjekje të mëtejshme, mbyllet njoftimi i bluve.
